越萊 (廟街)

营业中

休息中

今日早左放工，同朋友行左落佐敦睇吓有咩食，原來都幾多嘢食，我地今次揀左呢間越南菜，我地五點幾就入去食，因為驚晏啲落雨同打風，餐廳雖然唔大，但坐位都算坐得舒服，裝修都幾有心機，牆上有越南帽做裝飾，甚有越南風味。呢度都幾多選擇，有撈檬，串燒，小食，仲有越式三文治。我地叫左碗湯粉，一個菜，一個小食同兩杯飲品。粵式自選湯粉 - 大碗抵食，我地揀左三餸，有手撕雞絲，豬肉丸同埋蘿蔔， 河粉都幾爽滑，豬肉丸爽口彈牙，蘿蔔夠入味，冇渣。西貢馬拉盞炒通菜 - 蒜香味濃，炒得好惹味。潘良帶子明蝦伴茄子🍆 - 呢個好好食，我喺出面啲越南餐廳冇見過，黎到千其唔好錯過。凍越南咖啡☕️ - 香濃幼滑，推介！鹹檸七 - 佢唔係成個鹹檸檬，剛剛好，唔會過鹹！