SABROSA

营业中

休息中

去行维园花市前都总系要医肚先嘅，上次同朋友去左一间好味又够Chill嘅西班牙餐厅，所以就再食个丰富午餐先啦！餐厅内嘅灯光柔和得嚟又带啲昏暗，有格调又有气氛。先嚟两杯好啱打卡嘅Fruit Punch同Pussyfoot，入口好清新，味道仲唔错添。小食叫左个 传统西班牙蛋饼配风干火腿，依个西班牙蛋饼真系好好食，有洋葱、马铃薯做内馅再配以厚厚嘅蛋饼，食落口感松软又丰富。我个人觉得连带咸香味嘅风干火腿一齐食，个味道仲更加出色添。主菜就嚟一个 传统西班牙烤乳猪， 慢煮苹果蓉、些利油烤猪汁，乳猪皮薄又香脆，而肉质非常嫩滑又腍身，当中带有少少油脂，所以食落口感层次丰富。当中配有两款酱汁，但我觉得腌得好入味，所以唔洗蘸酱汁都已经好好食，当然蘸上酸甜嘅苹果蓉一齐食就可以中和点点嘅油腻感，两种食汰都一样好。之后就嚟一个 香辣蟹肉墨汁意粉，意粉带有少少辣味，但又唔会盖过墨鱼嘅香味，意粉口感好弹牙，而且蟹肉份量算多，所以食到最后都可以每次食意粉时都有蟹肉伴住，感觉唔错。最后就嚟一个甜品 传统西班牙焦糖布丁 ， 浓浓蛋香嘅布丁再加上一层厚实嘅焦糖，味道甜甜得嚟口感细腻而且非常柔滑，教人如何不喜欢呢。