軟殼蟹壽司taco
呢個真係佢signature 要試下，估唔到炸左既紫菜配軟殼蟹好夾，入面有少少菜令口感清爽，仲有少少辣辣地嘅汁，令成件事冇咁漏，係唔錯嘅前菜！
能登海鹽炸北海道甜蝦蓮藕脆片
有啲似墨西哥脆片，呢度用咗炸脆既蓮藕片，配合好入味嘅甜蝦乾，加上牛油果醬芝士sour cream等，仲有少少辣辣地，非常惹味，估唔到又出奇地夾！
原條牛骨髓西班牙辣肉腸意大利飯
牛骨髓幾香，特別鍾意個意大利飯，煙煙韌韌，好正宗！
甜品叫左靜物與梨，木盒子裏的花瓶
兩個甜品嘅賣相都非常好
梨子用伯爵茶浸到好入味，但依然有爽甜嘅口感，最初以為係煮熟嘅梨，但原來唔係，伯爵茶嘅香味同你嘅甜味融合，加上有少少cream喺入面，亦都浸住紅桑子汁，味道平衡！
另一個甜品係抹茶Tiramisu, 外觀好靚，好似一件藝術品！
我哋都叫咗兩杯嘢飲，
伯爵與愛人 洛神花百香果加入伯爵茶入面，味道香甜
棕櫚別墅 有啲似椰奶抹茶latte
各有特式，好靚！
呢間餐廳真係坐得好舒服，食物有特色得來質素唔錯！
