四點金飯店 (已結業)

因疫情關係，而家餐廳只有午市才可堂食，於是就去將軍澳探下朋友，諗住去新都城商場嘅四點金飯店食午餐，怎知太多人等位，唯有買外賣上朋友家食。沙嗲肉片炒河，肉片鮮嫩，沙嗲醬汁好濃郁，味道調較得好惹味。芥蘭菜也很爽脆，河粉掛上醬汁又滑又好味！鮮蝦潮州炒麵，鮮蝦爽口，麵係用粗麵，麵質比較林，加入芽菜肉絲增加口感。汕頭牛丸湯麵，牛丸是汕頭特產，當然要試吓，食落十分爽口，湯底清甜，麵底是粗麵，湯底是分開盛載，唔怕浸林啲麵。