BURGA (屯門市廣場) (已結業)

行開屯門市又要買晚餐食，今日想食burger,見佢個名咁得意叫burga。就試下佢。軟腳蟹Burga $68軟殼蟹大大隻，又脆口，加埋芥末醬酸酸甜甜既去油膩又清新！好夾酥皮龍蝦Burga $88酥皮層層分明十分鬆化，好似食緊酥皮甜品，龍蝦餅啖啖肉好有鮮味，酥皮加炸龍蝦餅加埋一齊都唔油膩，食完唔會飽飽滯滯。炸腐乳雞塊 $26充滿腐乳味得黎又唔會太濃，雞塊炸完又唔乾柴，仲係好嫰滑juicy!蕃薯條 $31又脆又甜，好好味，好難得有蕃薯條喱個選擇！最後加埋兩杯汽水簡直完美。