上海榮華川菜館

营业中

休息中

黎到觀塘，唔想食大商場入而既連鎖食店，所以走到觀塘街市附近搵食。平時都好喜歡光顧老店，喜歡佢地既舊式味道，覺得食物質素一定有保證。同媽媽兩個人，所以叫左個二人餐，我地選左一個湯加兩個小菜果款。見到牆壁上面有推介雲吞雞，所以湯果度我地加錢轉，佢煲雲吞雞勁大份，覺得其實可以四個人食，雲吞大大粒，個湯底有雞同埋菜嘅味道，好清甜。小菜我哋揀咗奶油津白，同埋九黃鱔糊，個九黃鱔糊炒得超野味，奶油津白個醬汁超香濃。好彩我哋係跟一個白飯另外再轉一個細嘅擔擔麵，麵同出邊食嗰啲唔同佢係會見到有湯底，唔會話好似出面咁太過結身，比較清淡。之後呢佢仲有個八寶茶俾你飲，破產嘅味道甜甜地，帶有香味，好特別，好飲。下次再黎的話想試吓佢嘅小籠包，好似都好出名㗎。