禾庭手工火鍋 (已結業)

今日去銅鑼灣時代廣場換消費劵coupon, 換之前就係朋友公司附近搵食. 朋友話新開咗一間手工火鍋, 好似都唔錯. 不如就去試吓啦! 都好呀! 可能時候尚早. 6:00多d, 所以可以即時入座. 到我地食到大概7:00左右已滿座了. 所以如果下次再去, 一定要先book位. 呢間就係禾庭手工火鍋. 睇過餐單, 首先揀湯底,   有手工湯底, 精選湯底及特式湯底,手工湯底d名好特別, 不得不介紹吓:仙鶴神針鍋 (乳鴿, 冬瓜, 雲耳, 素翅, 竹笙)霸王藏嬌鍋 (黃油雞, 花膠, 竹笙, 南瓜, 桃膠)我地兩位都係靚女, 梗係揀霸王藏嬌鍋啦! 養顏嘛黃油雞有半隻, 花膠一大片, 竹笙, 南瓜, 桃膠, 紅棗, 杞子. 娃娃菜. 店員會先幫我地將雞切件, 花膠切件. 之後滾起就食得. 但記得係食之前先品嚐一下煲湯. 濃郁, 香甜, 一d都唔油膩. 我飲咗兩大碗. 食物種類都幾多, 而且有d名都好鬼得意.  我地一定會揀特式手工火鍋配料~頑皮蘇蝦仔(墨魚滑配鳳尾蝦) $108每碟有6件, 一次過可以食墨魚滑同埋蝦. 好抵食. 先將蝦剝殼, 蝦外面包上一層墨魚滑. 再用竹籤插住. 賣相非常得意