翔壽司 (已結業)

抗疫期間都要繼續支持小店,  尖沙咀厚福街既翔壽司享有全單85折優惠餐廳設計座位係bar枱形式, 叫好野食之後就會由壽司師傅即刻做然後直接上菜我地就叫左個壽司拼盤, 有8件壽司, 最適合三心兩意既我, 因為每款都可以試下壽司飯軟硬適中, 上面既刺身都好鮮味另外就叫左D比較特別既壽司, 左上角係鰤魚, 魚鮮味較濃, 右上角係吞拿魚臉珠肉, 口感比較嫩滑左下角係吞拿魚額頭, 比較有咬口, 2款既魚油味都香, 右下角就係鮮銀鱈魚, 魚肉食落比平時食開既嫩除左鰤魚之外, 另外三款都係第一次食到, 真係幾特別, 絕對值得一試!!