大金酒場 (已結業)

觀塘工業區有唔少隱世美食, 近年仲多咗新建大廈, 進駐了唔少高質餐廳, 由於跟港鐵站有段距離, 所以價錢相對平一d。今日就去咗駿業街呢間---大金酒場, 餐廳供應日本料理、omakase同埋鐵板燒。今日就同好姊妹先試試鐵板燒午市限定, 每位HK$188起就有交易, 抵食又飽肚。鐵板燒設一間獨立房間, 適合一大班人黎開PARTY, 很有私隱度。蟹肉沙律: 沙律菜清新爽脆, 蟹肉鮮甜, 配上甜酸醬汁, 非常開胃。比目魚配沙白比目魚煎得金黃微脆, 很有魚香, 連同粒粒飽滿嘅沙白放入洋葱湯中, 香甜可口。海老:師傅將蝦頭煎壓成得香脆可食用, 好香口, 海老肉質爽口彈牙, 加咗少少蝦膏醬調味, 甘甜味十足。米國牛薄燒:牛肉嫩滑多汁, 包住了香葱蒜片, 香口惹味, 伴碟嘅野菜同樣清甜多汁。炒飯:炒得粒粒分明, 香口乾身, 配料多。焦糖多士:煎得微脆, 加上練奶更為香甜。抹茶布丁:布丁超幼滑, 入口即化, 散發陣陣蛋甜味, 配上濃郁抹茶醬, 味道好MATCH。