影片
更多
2023-04-08
138 浏览
有時同朋友行海港城，都會見到呢間華麗堂皇嘅粵菜廣東中菜館 - 花圖 Voynich ，幸好有預先訂位，安排我哋二人坐寬敞嘅梳化位置，第一眼見到咁特別嘅特務主題的華麗裝修，確實有別於一般嘅中菜館，特工靈感投擲千萬打造「特務神秘角度」酒廊區、「特務神奇道具衣櫥」用餐區等而當中厚厚嘅餐牌中，餐廳更特別重新演繹經典粵菜，演變成特色的爵士湯、鹽酥脆皮雞、和牛寶盒等，而Lunch Time都有供應點心，晚市更有中菜以及火鍋選擇，可見食物款式多元化。最後我哋從餐牌中揀選適合我們二人口味嘅菜式。我哋先叫咗杯Mocktail，冇諗過中菜嘅飲品都係咁精緻，呢杯 Sexy Mama 賣相好艷麗，真係名副其實，熱情果火龍果嘅混合帶點清甜，微酸嘅味道好開胃。前菜中有桂花茘枝汁漬荷蘭串茄、黑松露帶子餃及陳皮香草醬焗伊比利亞豚肉，的骰嘅外型放在口中細嚐，車厘茄有着三種甜香，豚肉鹹香十足，而帶子餃則皮薄餡靚。這一款餐廳招牌的爵士湯，不是採用傳統的清湯底，是用上了蜜瓜海螺豬展湯及龍蝦湯混合，因此每一啖都零舍覺得滋補，熬製出獨一無二的鮮甜潤肺之選。主菜的鮮胡椒蟹皇焗海蝦，香濃嘅胡椒味遠處已經聞到，我們二人隨即垂涎三尺，用
有時同朋友行海港城，都會見到呢間華麗堂皇嘅粵菜廣東中菜館 - 花圖 Voynich ，幸好有預先訂位，安排我哋二人坐寬敞嘅梳化位置，第一眼見到咁特別嘅特務主題的華麗裝修，確實有別於一般嘅中菜館，特工靈感投擲千萬打造「特務神秘角度」酒廊區、「特務神奇道具衣櫥」用餐區等
而當中厚厚嘅餐牌中，餐廳更特別重新演繹經典粵菜，演變成特色的爵士湯、鹽酥脆皮雞、和牛寶盒等，而Lunch Time都有供應點心，晚市更有中菜以及火鍋選擇，可見食物款式多元化。
最後我哋從餐牌中揀選適合我們二人口味嘅菜式。
我哋先叫咗杯Mocktail，冇諗過中菜嘅飲品都係咁精緻，呢杯 Sexy Mama 賣相好艷麗，真係名副其實，熱情果火龍果嘅混合帶點清甜，微酸嘅味道好開胃。
前菜中有桂花茘枝汁漬荷蘭串茄、黑松露帶子餃及陳皮香草醬焗伊比利亞豚肉，的骰嘅外型放在口中細嚐，車厘茄有着三種甜香，豚肉鹹香十足，而帶子餃則皮薄餡靚。
這一款餐廳招牌的爵士湯，不是採用傳統的清湯底，是用上了蜜瓜海螺豬展湯及龍蝦湯混合，因此每一啖都零舍覺得滋補，熬製出獨一無二的鮮甜潤肺之選。
主菜的鮮胡椒蟹皇焗海蝦，香濃嘅胡椒味遠處已經聞到，我們二人隨即垂涎三尺，用刀叉切開蝦肉，肉質堅實，口感爽口新鮮。
珍菌紫玉是由大大的大白菜包着香菇雜菌，清清地嘅素菜配上南瓜湯，除咗好入味之餘，能滋潤喉嚨順喉以下。
主食就是龍蝦膏海膽炒飯，炒得很香好乾身，粒粒分明及金黃色，裏面鮮甜嘅海膽配上蝦肉，增添口感。
甜品的芝麻糊椰汁忌廉配桔仔酥非常罕見，桔仔酥超香脆一邊沾上糖粒，鹹甜皆備，另外幼滑的椰汁Cream配上濃稠的芝麻糊，味道相當配襯。张贴
