JK Brother’s (已結業)

平時食得放題多，都開始有啲厭。好似食黎食去都係個啲。朋友就介紹左我去呢間，話同平時既放題有唔同架喎🤨🧐今次就聽佢講，等佢帶路啦！呢間餐廳係半自助形式，除左係電話度點餐之外，仲可以出去拎野食。另外除左放題野食之外，仲有得打邊爐添！都幾多款湯底揀。我就揀左人蔘雞湯底。起初都擔心個湯底會好淡，無咩料。點知個湯底出奇地好味，好香濃人蔘味，令到啲火鍋料都好入味，唔洗沾豉油都得👍推薦。仲會附送埋美國肥牛，黑豚肉同雞腿肉。肥牛都唔錯，幾嫩！另外仲有多款海鮮🦞供應，自己出去仼拎。有大蝦，沙白，蟶子，海蜆等等。呢款大大隻扇貝好大舊肉食，幾鮮甜！😺此外仲有好多既火鍋配料揀，其實大部分既都有。有幾款比較特別同要食既就係：芝士豆腐，魚糕，日式煎餃，泡菜餃都好好味🤤其實打邊爐都食到飽😹😹😹記得留肚食其他野！刺身壽司🍣一定唔可以錯過！三文魚，油甘魚，赤貝，帶子，大蝦🦐質素都幾好，幾鮮甜肥美！仲有炸物： 榴連炸彈，天婦羅🍤，燒生蠔😍熟食：例如醬油蝦，醬油鮑魚，一口牛肉粒，韓式辣腸大腸，都夠哂飽！生果都記得要食，蜜瓜哈蜜瓜🍈日本出產，夠哂甜又多汁呀！除左有多款果汁，清酒🍶啤酒仼飲，仲有多款小蛋糕甜品同雪糕雪條揀添👍😋