星願 居酒屋 (已結業)

疫情搞到個人牛牛地，真係要出街食返餐好，唔係真係對唔住自己呀😜今日經過呢間餐廳，既然心入邊有想食日本嘢，咁就入去試吓啦😊坐低咗之後點樣送上水，仲會主動講吓餐牌有咩食，服務態度都幾好！餐廳嘅格局就有啲似日本嘅居酒屋，所以氣氛都算唔錯🥳叫咗以下幾款食物，全部都十分高質👏🏻仲要估唔到係咁好味👍🏻👍🏻日式燒饅頭：有啲似上海舖頭嘅炸饅頭，不過佢係燒嘅，風味有啲唔同，但一樣係外脆一邊軟林林，再加埋啲煉奶喺上面，甜甜地入口好味😋士多啤梨汁燒湯丸：我真係好鍾意食湯圓，呢個燒湯圓個口感勁得意，再配埋啲士多啤梨汁一齊食，不錯呢！立魚柳刺身：一個人獨食一個刺身嘅感覺真係好爽！而且刺身非常之新鮮美味，再配埋個酸酸甜甜嘅醬油，美味可口😋