吉列牛忌廉烏冬專門店 (百樂中心) (已結業)

4月生日月真係好幸福，又有朋友請我食生日飯，今日午餐來到銅鑼灣百樂中心22樓，全層由高處往下俯視，還能看到銅鑼灣美景，環境十分舒適宜人。我們話咁快就點左午餐，一份美式頂級牛里脊配大啡菇，一份鹹蛋薯條🍟，一份香辣忌廉雞肉炒麵。首先係上鹹蛋薯條，這個薯條🍟真係好食到喊，係幸福到喊的感覺，鹹蛋控的人會明白，每一口薯條除了有鹹蛋黃味，仲可以食到鹹蛋黃，再點上秘製沙拉醬，真係又heavy又滿足。而美式頂級牛裡脊亦都係必選之一，牛裡脊約3成熟，可以放上好可愛的石鍋上面自己慢慢🔥燒，咁就幾多成熟都冇問題啦。大啡菇裡面釀住芝士，配搭洋蔥，最正確的食法就係一啖牛肉一啖大菇再一啖洋蔥咁就Perfect啦。香辣忌廉雞肉炒麵就會比較適合喜歡吃辣的人，因為呢個真係有些偏辣，味道感覺幾特別，有些creamy口感又辣辣地，未試過又食得辣的可以試下。呢度茶水隨時可以叫侍應服務，我們慢慢吃也不是問題，最緊要野食好味地方又舒適，真係食都食得開心。