菓甜品 (已結業)

同男朋友喺尖沙咀食完晚餐，突然諗起傳說中嘅芝士粟一燒！咁啱又係呢頭附近，即刻急急腳走去菓甜品！店鋪位置好易搵，去到寶勒巷街口就見到招牌，喺麥當勞隔離同馬會對面。一坐低，二話不說嚟個芝士粟一燒先！😍呢到環境寬敞舒適，係一個同朋友飯後聚會甜品直落嘅好地方。🔹芝士粟一燒 $58店員一放低，我已經心心眼啦！實在太似粟米啦，仿真度100%！其實佢係芝士蛋糕黎架，齋係創意同心思就已經滿分。每一粒「粟米粒」真係有粟米醬汁味，而「粟米芯」部份就係芝士蛋糕，質感軟熟幼滑，甜度適中。伴碟有焦糖爆谷同脆片襯托，係打卡之選。鹹味crossover做甜品，呢個配搭竟然好match，絕不奇怪。而且唔會過份甜膩，同男朋友飯後share食啱啱好。如果唔係食飽飯但又口痕，都應該可以叫多個甜品，唔緊要，呢間值得再嚟！下次試埋其他先！😍📍尖沙咀寶勒巷3號萬事昌廣場地下2-3及5號舖．．環境分數：8/10食物分數：8/10Encore分數：8.5/10