麵之神車仔麵 (已結業)

我一向我都好鍾意食車仔麵，喺元朗就開咗間日式車仔麵，梗係要來試吓啦。首先麵底我嗌咗日本葛絲，湯底係佢本身嘅鰹魚昆布湯底，我嗌咗小辣，店家標榜辣汁係自己獨有嘅，食落有啲似辣蘿蔔蓉，同湯底好match。葛絲口感煙韌，扁身透明嘅麵條令我上癮，另外我仲嗌咗幾個餸，分別係豆腐椰菜餅，炸咗嘅餅皮好脆，入面好軟綿綿，我仲嗌咗滷水豬腸，非常入味。仲有關東煮蘿蔔，炆到好淋👍小店喺枱面放咗啲辣味菜脯，我好鍾意食，加落麵底入邊非常好味。