吉士咖啡店 (已結業)

又係🐷小豬🐷為食周圍去嘅時間，今次小豬黎到長洲為大家發掘到超抵食嘅大件吐司！你哋一定唔可以錯過呀！✔️✔️煙三文魚芝士滑蛋吐司✔️✔️可以見到佢嘅吐司係好似一舊磚頭咁大，芝士、蛋、三文魚都份量十足。切開吐司係非常實心，真材實料。連埋芝士同三文魚一齊食就更正。✔️✔️牛油果芝士滑蛋吐司✔️✔️如果鍾意食牛油果嘅就可以嗌呢個，同樣都係有芝士滑蛋，只係個主菜唔同咗。可以見到佢牛油果質素都好高，好新鮮，將吐司切開一片片，夾住一片片牛油果食都係唔錯嘅選擇。✔️✔️冰藍檸檬✔️✔️藍色嘅玻璃杯，裝住清爽嘅梳打水，加上兩片檸檬同薄荷葉，係非常有情調嘅一杯嘢飲。味道清新，感覺清涼。✔️✔️Mocha✔️✔️可愛嘅熊仔樣拉花，係非常可愛嘅一杯嘢飲。牛奶咖啡之中又有少少巧克力嘅味道，慢慢融入口中。