影片
更多
2020-12-06
361 浏览
N年都唔去一次港島南嘅我，今次第一次嚟鴨脷洲，我哋就揀呢間黃店試吓新台式早餐，喺利東地鐵站附近，超級方便！12點左右到咗，啱啱好仲有少量座位，晏啲就多人所以要早啲嚟！裝修係走文青風，地方唔大，一眼就望哂。呢度嘅蛋餅一定要試，事關喺香港唔係有好多地方食到好食嘅蛋餅！以港島區嚟講，食物價錢一啲都唔貴，再對返食物質素同份量，cp值幾高🤤📍黑松露雜菌芝士蛋餅 $48 一上菜已經聞到好濃好香嘅蛋味，食落去個蛋味非常足，雖然有芝士但完全唔膩，黑松露同雜菌嘅味道都突出，唔會俾其他食物嘅味道遮蓋咗📍扒大啡菇露荀北非小米沙律配薄荷乳酪醬 $88呢個真係好健康嘅沙律，沙律超大份，大啡菇同露荀咬落去爽口，啲汁索哂入口。個小米嘅口感偏硬，食一啖都知一定唔係用平時食開嘅米，豐富得嚟一定飽肚📍香煎三文魚腩香橙沙律配柚子蜜糖汁 $78三文魚腩算係啖啖肉，加埋蜜糖汁就令到沙律偏甜，我個人鍾意北非小米沙律多啲，比較特別📍福灣朱古力 $51朱古力唔算甜，濃度啱啱好，都唔錯📍壹加壹 $50 呢杯係Espresso+Piccolo，如果鍾意咖啡原味重啲可以試吓
📍黑松露雜菌芝士蛋餅 $48
一上菜已經聞到好濃好香嘅蛋味，食落去個蛋味非常足，雖然有芝士但完全唔膩，黑松露同雜菌嘅味道都突出，唔會俾其他食物嘅味道遮蓋咗
📍扒大啡菇露荀北非小米沙律配薄荷乳酪醬 $88
呢個真係好健康嘅沙律，沙律超大份，大啡菇同露荀咬落去爽口，啲汁索哂入口。個小米嘅口感偏硬，食一啖都知一定唔係用平時食開嘅米，豐富得嚟一定飽肚
📍香煎三文魚腩香橙沙律配柚子蜜糖汁 $78
三文魚腩算係啖啖肉，加埋蜜糖汁就令到沙律偏甜，我個人鍾意北非小米沙律多啲，比較特別
📍福灣朱古力 $51
朱古力唔算甜，濃度啱啱好，都唔錯
📍壹加壹 $50
呢杯係Espresso+Piccolo，如果鍾意咖啡原味重啲可以試吓
张贴
