叁樓火鍋 (已結業)

📍叁樓火鍋 (尖沙咀)呢間樓上火鍋店嘅牛切牛肉特別好食。雖然冇諗過卜卜蜆煲會係辣嘅，不過越食越覺得惹味。多人嘅話仲可以包房唱K！✨勝瓜トト蜆 魚湯底本身已經好鮮甜，而且越煮越鮮。加咗幾粒指天椒所以辣辣哋幾惹味。✨叁樓至尊牛拼盤 手切本地牛、手切金錢展、霜降牛粒、牛舌、牛白肉。佢哋嘅本地牛特別好食，味道濃郁又有少少咬口。唔蘸醬汁反而最好食。牛舌好嫩，淥耐啲都唔會韌。牛白肉爽脆而且一啲都唔膩。✨手工丸配餃子墨魚丸、蝦丸、韭菜豬肉餃、鮮蝦雲吞。墨魚丸同蝦丸都好彈牙，不過餃類比較出色，餡料特別鮮甜。✨蔬菜拼盤 款款蔬菜都好新鮮。大大盤蔬菜兩個人完全食唔晒。✨稻庭烏冬 口感彈牙完全冇酸味。✨響鈴 香脆而且完全冇油膉味。✨大澳蝦醬單骨雞翼 鹹香入味，第一啖覺得有啲似椒鹽，不過味道更加豐富。