塚田農場 (已結業)

成日係沙田食野食到都唔知食咩好！係到揀餐廳既時候，見到塚田農場，成日見到以為佢係打邊爐所以冇食過！今次認真睇吓原來佢係食日本菜，而美人鍋係佢地主打菜，所以成日見到佢個鍋！呢間餐廳嘅環境好好坐得好舒服，又大又闊落！餐廳服務都好好，服務員見到有客人即刻帶位！****鍾意食牛油果嘅人一定要你試吓！因為佢好多餸菜都有牛油果揀！嘢食都唔駛等好耐，落咗單之後過一陣就到啦！話晒係日本餐廳梗係要試吓佢嘅壽司啦！食左三文魚牛油果卷！估唔到牛油果同三文魚真係好似丫！同埋佢唔係用紫菜做出面包住嗰層，佢用左好似越南春卷外面嗰層紙！又好特別同好好食！叫咗個雞肉烏冬，佢一齊上嘅湯底好出色！佢個味都唔係好濃比較清淡！但係清得來好清甜！加埋落個烏冬到好好食！其實佢嘅美人鍋都好吸引！我下次一定要試！