BURGA (屯門市廣場) (已結業)

同🐻去左屯門市廣場行街街，發現開咗一個新嘅food court 🍽 有好多唔同類型嘅美食選擇，樣樣都好正咁🙈睇中左呢間burger店，有啲特別既🍔例如有素的、酥皮龍蝦、軟殼蟹等等，仲有個加入左🇭🇰港式元素嘅咸魚肉餅🍔🤣 由於我發現到呢間food court既候差唔多到6點無得堂食，就買返屋企食啦😆 不過搭左差唔多一個半鐘既車程，所以個樣俾我整到有點唔靚，但食落係𝕪𝕦𝕞𝕞𝕪 𝕪𝕦𝕞𝕞𝕪的‼️🔸酥皮龍蝦Burga $88酥皮龍蝦湯就飲過，酥皮漢堡包就未試過🤣香脆酥皮夾住彈牙炸龍蝦餅加上龍蝦汁，口感豐富之餘個蝦餅都好厚呀😍🔸軟殼蟹 Burga $68軟殼蟹炸到金黃色配上芥末醬，好惹味🤤 原來軟殼蟹肉都啖啖肉肉😍每啖都食到生菜🥬麵包同軟殼蟹，鬆軟香脆，一個字「正」！🔸番薯薯條🍟 $26薯條方面係有三款選擇，有平時食開嘅薯條啦、番薯條同紫薯條，我就揀咗番薯條，外脆內軟同埋食到番薯嘅甜味。另外薯條點嘅醬汁係有四個醬簡，叫左芝士黑松露醬，一盒醬都好夠點呀😋🔸炸腐乳雞塊 $24腐乳我係唔食😂 不過媽咪鍾意食腐乳見到腐乳雞塊又好似好特別咁，每粒炸雞大大粒，肉質嫩滑。