原の味 (已結業)

尖沙咀隱秘日本料理餐廳裝潢舒適帆立貝冰菜沙律帆立貝冰菜沙律用咗非常新鮮嘅材料，帆立貝鮮甜美味，配上芝麻醬。但個人唔係幾鍾意食冰菜，口感爽脆，全部塞俾朋友食，之後自已就食鮮甜嘅帆立貝哈哈。黑松露忌廉湯湯有黑松露忌廉湯，黑松露味非常突出，可口美味。極上戀之炸卷原本一開始有啲怕炸卷會太油膩，但係呢個極上戀之炸卷又唔會，外面咬落脆口，入面包咗白飯同埋紅彩頭汁整嘅米飯，加上青瓜。飯質比較黏身，配埋佢個沙律醬，整體食落口都唔會話太油膩。幾有特色嘅卷物！橙薑汁蒜片烤牛扒個人非常推介呢個烤牛扒。牛扒上配上紫薯碎片同埋蒜片，加上橙薑汁，牛扒煎得外脆內淋，非常惹味！食落口每淡都有牛肉嘅香同埋豐富肉汁，十分推介！海膽藜麥意粉扁意粉上加上大大份海膽，車厘茄，配上濃郁嘅意粉醬汁，食落口好creamy。威士忌三文魚子沙冰第一次食咸甜嘅甜點，感覺非常特別。每一啖沙冰配上小小嘅三文魚子，加上淡淡威士忌味，個人就幾鍾意呢種甜品，大家不妨試吓。