嵐橋丼飯專門店 (已結業)

難得同朋友出去食飯，梗係搵間正嘢食下啦🥰所以揀咗大家都就腳嘅尖沙咀食日本嘢！去咗嵐橋丼飯，雖然鋪頭唔係好大，但係裝修好有日本風，好別緻，舒舒服服！丼飯選擇特別多！朋友揀咗好特別嘅金目鯛丼飯，而我揀咗極上大拖羅丼飯！所有丼飯都附味增湯！食飯之前暖下下胃！味增湯幾清甜，唔會太咸！而我嗌左極上大帶拖羅丼飯，上面鋪滿左拖羅片同拖羅蓉！而且丼飯有幾個層次，非常出色！上面仲見到有一粒粒嘅醋啫喱，有咬口之餘，酸酸地幾開胃呀！刺身下面果層鋪咗紫菜條，生嘅菜同白芝麻！而且啲飯仲有醬汁添，唔係淨係白飯黎😋😋個飯底都好特別，比較有咬口，選用係日本珍珠米叫做一見鍾情😆😆小食方面嗌咗串燒必嗌的牛吞！好濃牛味👍🏼而且仲嗌左比較特別嘅鮑魚雞翼！好惹味！值得一試！