良い日涮涮鍋

今晚去咗鑽石山荷里活廣場嘅GOODATE 良い日涮涮鍋 嘆特上牛舌放題，啱晒我呢個牛舌控～

1

湯底係一人一鍋，可以揀自己心頭好。我揀咗生薑雞湯，味道適中啱啱好，唔會搶走肉味。

自助區嘅火鍋配料選擇又多又新鮮，我哋就食多啲菜同粟米，營養均衡減低膩感。

一大盤特上牛舌用木架上，排列整齊，好有視覺享受～牛舌切得夠薄，淥一淥陣變色就得！咬落爽口彈牙，加少少檸檬汁味道清爽，食落完全唔覺得膩，仲越食越開胃添～

除咗穀飼牛仲有豬肩肉、雞腿肉選擇，推介雞肉，肉質彈牙又嫩滑～配雞湯好正～

最後就食個雪糕降溫～爽！

由而家到30/11仲有會員尊享優惠。都真係幾吸引，一大班朋友又食又飲就啱晒～😎