良い日涮涮鍋

下雨天不想煮飯，最好就是去「打邊爐」。這一天跟家人來到鑽石山的「良い日涮涮鍋」，這裏主打「一人一鍋」的火鍋放題，大家各自挑選自己喜歡的湯底、食材，自由地涮煮，沒有固定的順序或搭配，愉快又自由，性價比高。環境以日式木系為主，光線明亮，通風系統OK；職員行動迅速，態度很友善。食物：嚴選牛肉放題90分鐘 ($268/位)🥘 湯底✨一共有7款可選，包括四川麻辣、黑蒜、壽喜燒、昆布、濃厚蕃茄、生薑雞及胡椒和牛，愛辣或不吃辣皆有不同選擇。✨筆者選了昆布，淡雅的性質配上不同食材，熬出風味後味道剛剛好，不會太鹹。✨家人選了壽喜燒，香甜惹味，蘸上蛋汁更滑溜惹味。🥩 肉類✨嚴選牛肉：雖然較薄身，但肉質紅潤，有牛肉風味。✨牛舌：能輕易咬斷，帶牛香。✨雞腿肉：沒有雪藏味，還算滑嫩。✨豚肉：表現中規中矩。🥢 自助區✨數十款不同食材任取，包括蔬菜 (唐生菜、小棠菜、娃娃菜、粟米、蕃茄、蟲草花、金菇等)、丸類 (筆者最愛的午餐肉、包心丸、獅子狗、芝士腸、龍蝦丸、香菇貢丸等)、麵類 (公仔麵、粉絲等)，非常大眾且老少咸宜，吃素的朋友亦有超多選擇，必定捧着肚子離開！🍴 飲品、醬料、甜品區✨有汽水、茶任取，老少咸宜；多款醬料可供自行組合，包括筆者喜愛的蒜蓉及芫荽；甜品區有雪糕機，當天的藍莓味味道不會有藥水感覺。總括而言，性價比很高，食材還算多元化。…查看更多

荷里活廣場咁多餐廳之中最多人等位．就係呢間放題望完Menu 發現價錢超抵食Lunch 低至$128 就可以任食放題90分鐘難怪門外經常排滿輪候食客等候入座我地揀咗✨特上牛舌放題90分鐘有不同湯底選擇🥘豚骨黑蒜湯 - 湯底香濃黑蒜味🥘昆布湯 - 清啖健康不油膩估唔到▫️特選牛舌 擺盤咁誇張舖滿成個木枱架口感爽彈超好食另外仲有其他肉類．同時品嚐 ▫️穀飼牛 ▫️豬肩肉 ▫️雞腿肉 自助區仲有多款新鮮配菜．飲品同雪糕一人一鍋．乾淨衛生價錢唔貴．90分鐘充足時間食到飽性價比極高…查看更多

今晚去咗鑽石山荷里活廣場嘅GOODATE 良い日涮涮鍋 嘆特上牛舌放題，啱晒我呢個牛舌控～湯底係一人一鍋，可以揀自己心頭好。我揀咗生薑雞湯，味道適中啱啱好，唔會搶走肉味。自助區嘅火鍋配料選擇又多又新鮮，我哋就食多啲菜同粟米，營養均衡減低膩感。一大盤特上牛舌用木架上，排列整齊，好有視覺享受～牛舌切得夠薄，淥一淥陣變色就得！咬落爽口彈牙，加少少檸檬汁味道清爽，食落完全唔覺得膩，仲越食越開胃添～除咗穀飼牛仲有豬肩肉、雞腿肉選擇，推介雞肉，肉質彈牙又嫩滑～配雞湯好正～最後就食個雪糕降溫～爽！由而家到30/11仲有會員尊享優惠。都真係幾吸引，一大班朋友又食又飲就啱晒～😎…查看更多

今日去荷里活廣場 shopping完，試咗良い日涮涮鍋，係性價比高嘅任食邊爐🥰 原來有幾間分店，鑽石山分店好新淨，環境闊落，坐得好舒服～長者同小童有優惠好抵🌟火鍋湯底選擇夠晒多，我同朋友揀咗壽喜燒鍋同埋生薑雞鍋，清甜又可以帶出食材嘅原味啲肉嘅質素真係冇得彈，特別係牛舌爽口彈牙勁好味👍🏻 嚴選牛肉油花分佈均勻，輕輕一涮就食得，入口即溶，牛味超濃郁😋 除咗主食，佢哋嘅火鍋配料都好豐富，好多唔同種類嘅丸類同蔬菜🥬 仲有各式各樣嘅配料同醬料，可以自己調配鍾意嘅口味🥰 仲有雪糕機🍦藍莓同牛奶味都好好味店員都好nice，好主動幫我哋加湯同收碟，服務周到，一定會嚟encore 💯…查看更多

呢間涮涮鍋餐廳主打一人一鍋抵食放題 最平晚市由成人$188起一位90分鐘任食 包任飲果汁汽水同雪糕機✨ 不過今次我地就加多少少錢 食咗呢個$198一位嘅特上牛舌放題 貪佢有齊豬牛雞之外 仲有特上牛舌😋 另外餐廳仲有會員 小朋友同長者優惠等 一家大細嚟性價比🆙🆙🆙呀😍-🥩 特上牛舌放題呢個價位包咗任叫特上牛舌 穀飼牛 豬肩肉 同雞腿肉 可以㨂唔同湯底 我地今次㨂咗壽喜燒同黑椒和牛湯底 味道唔會太濃 啱啱好提一提味😉另外加點時份量一啲都唔馬虎 同樣一份都係滿碟上 不過都係食得哂先好嗌 唔好用大哂鬼呀-👅 特上牛舌 一坐低開爐就會立即上一大盤牛舌 實現牛舌自由冇難度呀😍 牛舌厚度適中 唔會太薄 有口感之餘唔算厚到淥到好有難度 外面咬落爽脆 中間肉質煙韌中帶少少嫩😋 配上黑椒和牛湯底 帶少少辛香味 都幾夾✨-🐄 穀飼牛 另外穀飼牛肉質都唔錯 肉味香濃 而且最抵讚係佢有預先解凍 唔會硬到一塊塊上碟 呢啲小心思 真係買少先少😌 配上壽喜燒湯底同生食用蛋黃 好夾🔥-🐖 豬肩肉 豬肩肉脂肪比例唔錯 煮熟後肉質滑嫩唔會太瘦太乾柴🐷-🐓 雞腿肉雞腿肉厚切 煮完都仲係幾嫩滑🍗-🥤飲品區有汽水 茶 同咖啡等 另外近門口區域仲有另一部果汁機 選擇都唔少呀-🍦甜品區甜品就有一個凍櫃同軟雪糕機 仲有扭紋雪糕 而且toppings都有好多款 食完邊爐整返個雪糕都幾開心架🍦…查看更多

【鑽石山日系涮涮鍋｜夏日涼住冷氣歎高質Shabu Shabu😋】夏天打邊爐最重要是什麼？當然是涼住冷氣爽歎火鍋！🔥 今晚就來到鑽石山荷里活廣場這間由日本人主理的《良い日涮涮鍋》，主打一人一鍋，乾淨又自在。💨🍲 湯底選擇多樣，Alex點了「海老豚骨湯」，蝦香濃郁、鮮甜不膩；而我大推期間限定🔥「冬陰功湯」！酸辣開胃，用鮮蝦、檸檬草和辣椒爆香而成，涮肉煮菜都超夾，夏天吃超級過癮！🌶️🍋🥩 我們選了「嚴選牛肉放題」（90分鐘⏳），這個套餐已經包括我最愛的牛舌！薄切牛舌輕輕涮幾十秒就食得，搭配日本酸橘汁，酸香清爽、爽脆不膩，絕對是夏日必點解膩神物！👅💦✅ 其他肉類如特選穀飼牛也相當不錯，肉質對得起價錢。👍 ✅飲品方面有無糖烏龍茶和綠茶，健康又解渴。🍵整體來說，環境舒適、湯底有特色，牛舌控絕對不能錯過～💯…查看更多

最近屋企附近發現左呢間「良日涮涮鍋」晚市任食火鍋每位 $268任食「嚴選牛套餐」多款牛肉部位同特色湯底仲有牛舌任食夠晒吸引 岩晒呢D牛魔王 餐廳位於荷里活廣場3樓中庭環境乾淨企理 座位闊落仲一人一鍋 可以自己選擇自己喜愛既湯底 入座時 店員介紹有兩款新推出湯底我地毫不猶疑就試下 //蕃茄壽喜燒湯底//帶日式風味的湯底蕃茄既微酸加上日式壽喜燒汁既甜湯底濃郁 同牛肉特別夾仲可以用黎煮個烏冬 吸晒湯汁超滿足 //冬蔭功湯底//泰式風味十足 酸辣平衡得好香茅、辣椒味道層次分明涮牛肉加個公仔麵就最適合不過公仔麵索晒冬蔭功的辣味加幾片牛又有肉香令整體味道更出色 //牛舌//任食薄切牛舌牛舌入口爽脆彈牙 涮幾秒就啱食個人覺得配壽喜燒湯底特別惹味 //嚴選牛肉//油花均勻 唔會太肥亦唔會太瘦涮幾秒就食得入口滑溜 吸湯力強且肉味濃郁配冬蔭功湯底係有驚喜酸辣味令肉味更突出而每一轉加單都保持到相當質素係正 //雞肉 豚肉//肉質嫩滑唔會乾柴涮完之後吸晒湯底精華特別係配冬蔭功湯底酸辣味滲入雞肉 食落非常惹味原來即使主打牛肉 雞件都唔失禮值得追加 另外出面可以自取蔬菜菜都很新鮮 仲有粟米、多種菇類而丸類亦有好多款例如貢丸、豬肉丸、墨魚丸丸全部都彈牙有驚喜仲有芝士腸係爆芝士 飲品方面提供自助吧形式有汽水、果汁、茶類等選擇甜品就有雪糕機…查看更多

平時最鍾意去食日式火鍋，鍾意一人一鍋可以揀自己鍾意嘅湯底慢慢食，仲夠晒衛生。呢間分店座位都唔少，自助區空間都夠大，店員服務都好親切。湯底有七款常設款式，同埋四款期間限定，難得嚟到梗係試吓兩款期間限定嘅湯底啦，所以最後就揀咗蕃茄壽喜燒湯底，同埋海老豚骨湯底。前者仲會附送一隻日本生雞蛋，可以點牛肉食，令牛肉好滑溜，後者嘅蝦味好重，帶出食材嘅鮮味。今次嗌咗嚴選牛任食套餐，除咗其他套餐都有嘅豬肉同雞肉之外，呢款套餐仲可以任食嚴選牛肉同埋牛舌，係更加高級嘅牛肉，只要用QR code落單，肉類都好快送到。至於其他火鍋配料，都可以喺出邊自選區到拎，有好多唔同嘅蔬菜、類、面類等等。仲有唔同嘅飲品同醬料選擇。最後仲可以自己唧埋雪糕食，仲有好多唔同Topping可以揀添！…查看更多

晚市嚴選牛肉餐最近同朋友去咗荷里活廣場嘅「良い日涮涮鍋」食晚飯，主打日式火鍋，環境乾淨企理，座位寬敞，適合朋友聚餐或家庭聚會。一人一鍋，自己鍾意食乜就食乜🥩 嚴選牛肉餐牛肉質素唔錯，油花分佈平均，豚肉，雞肉，穀治牛，涮幾秒就熟，入口嫩滑，肉味濃郁。餐內包括多款蔬菜、豆腐、金菇、粟米等，份量足夠，蔬菜新鮮，吸湯後好入味。🍲 湯底方面選咗壽喜燒同黑蒜油豬骨湯，味道清甜，唔會搶味，啱晒涮牛肉。醬料選擇唔算多，但基本款如胡麻醬、柚子醬都有，味道夠地道。飲品雪糕任裝👨‍🍳 服務方面店員有禮貌，落單效率高，食材上菜速度快，期間有主動加湯，整體服務令人滿意。💰 價錢 & 性價比二人餐價錢合理，買咗個咖啡機啊，我想買啊食材質素有保證，環境舒適，值得一試。✅ 食材新鮮 ✅ 牛肉質素高 ✅ 環境舒適 ✅ 服務好 📍 推薦指數：★★★★★📍 回訪意願：高，有興趣試埋其他湯底或海鮮餐…查看更多

今日去咗鑽石山一間新開嘅一人一鍋shabu shabu 放題店「良い日涮涮鍋」🔥🔥，90分鐘嚴選牛肉放題先每人$268🥰，呢度啲牛肉都幾正呀👍，好味嘅嚴選牛肉🐄和牛舌👅，都係任食，當然仲有豬🐷和雞🐥，餐廳環境係日式木系裝修，坐得舒服。湯底方面都幾多選擇，我地揀左黑蒜豬骨湯底🐷 ＆壽喜燒湯底(配左隻日本蛋)，兩款都唔錯自助區的蔬菜🥬、丸類和其他配料有很多選擇。甜品方面，有雪糕🍧和大福mochi，仲有好多配料可以落雪糕度，正呀…查看更多

今日嚟咗荷里活廣場新開嘅日式火鍋店，餐廳都幾有人氣，舖頭keep住要等位😮 呢度嘅火鍋係一人一鍋，我哋就嗌咗海老豚骨湯同埋豆乳雞白湯🍲 今日揀嘅套餐可以任食六種肉類，特別推介佢嘅牛舌，輕輕淥一淥就食得，入口幾爽口👅 其他火鍋配料，主要喺出邊嘅自助吧自己夾，蔬菜丸類等都有供應🥬 食物名稱有清楚標記，仲見到店員不時fill貨。 飲品主要係飲品機斟出嚟，咁就更加還保🥤 最令人期待嘅甜品部份，有唧唧軟雪糕同埋brownie等等喺雪櫃自己拿取✌🏻如果住鑽石山嘅朋友想近近地打個日式邊爐，都可考慮呢間火鍋店。不過就記住早啲嚟啦，因為都好爆場㗎。…查看更多

有多間分店的一人一鍋日式火鍋店杏花新城、旺角朗豪坊、新蒲崗Mikiki、將軍澳及鑽石山都有分店湯底有好多選擇💁🏻‍♀️我們選了最新的豆乳雞白湯🌱和海老豚骨湯🦐點餐過後好快就送上2盤牛肉、1盤牛舌、1盤豚肉同雞件有QR code無限點肉類全部都可以任點！食肉獸啱晒了 ! 我是蔬菜怪都滿足到, 因為自助區有多款蔬菜類好欣賞有好多款菜：油麥菜、白菜、西洋菜、唐生菜、娃娃菜、粟米等 🥦🥬🥒🫑🌽推介南瓜同芋頭好甜另外還有好多丸選擇芝士獅子狗幾好食甜品就不要帶有期望了飲品有汽水、咖啡同茶類…查看更多

見到介紹，嚟試。食之無味 棄之可惜🥲🥲非常非常失望😞1. 環境設計4分2. 火鍋自助食材3.3分：比較牛大x —> 款式3分/新鮮3分/衛生4分3. 火鍋醬料2分：比較牛大x —> 款式3分/味道1分-味道淡 / 衛生4分 4. 火鍋肉類食材4分：新鮮4分/肥瘦平均4分5. 火鍋湯底味道2分：比較牛大x —> 味道淡6. 飲品1分：比較一般7仔，mocha味道淡多50%，espresso 味道淡多50%。只有茶包沖出的飲品是夠味道。7. 衛生3分：地面癡林林總結：淡到 ～～食之無味 棄之可惜👎…查看更多

見佢新開 門面睇落Ok就去試下揀左個佢menu推薦嘅穀飼牛餐 叫左生薑雞湯底一坐低去拎野食 食物種類唔多 飲品得汽水機個啲 完全無罐裝飲品 都唔緊要拎左杯汽水 完全無味嘅 得糖水味嚟到湯底 都係無味嘅（中途仲加左啲豉油落去）啲牛無牛味 都唔緊要嘅 又硬 都唔緊要嘅最後曙光係點豉油OK 連豉油都無味好似溝左勁多水咁徹底放棄點解可以開到咁多間分店?Google一search 仲話係日本人主理簡單係OMG第一次打邊爐係食唔飽咁離開…查看更多

今次打卡位於香港鑽石山荷里活廣場嘅良之日涮涮鍋，體驗只能講差強人意。一人一鍋模式蠻貼心，能自由選湯底。我點嘅黑蒜豬骨湯，上桌時香氣誘人，黑蒜與豬骨湯融合得好，一下就勾起食慾。但加湯後，黑蒜香味全無，湯底變寡淡，好敗興。午市90分鐘用餐時間，我選148港幣套餐，有特選肥牛、豬肉片、雞肉任食，可自取蔬菜、丸類配料。但套餐嘅肥牛太瘦，涮完口感柴又老，對於愛牛肉嘅我，實在失望。好在豬肉片表現不錯，鮮嫩入味。總之，下次選餐廳真得慎重，不能再這麼草率。…查看更多