悅心鍋 (已結業)

尖沙咀新店，睇到傳單就去試下，裝修環境典雅，座位寬闊舒適，服務尚可，這裡以優惠海鮮，蒸汽鍋十粥底火鍋放題為主，我們就點左蒸鍋B餐，海鮮有8寸長大瀨尿蝦皇、貝殼類跟住有10款海鮮選6款，重有燒物小食任點任食，多款韓國啤酒汽水任飲，生果甜品任食。約8分鐘海鮮到，嘩！好震撼D海鮮極之新鮮及夠份量，海鮮全部是蒸鍋清蒸的，不添加任何配料，食起來非常新鮮及原汁原味，夠晒健康。食晒蒸海鮮跟住就用吸左海鮮精華既粥底打邊爐，火鍋配料差唔多70款，都係真材實料，有安格斯肥牛、大海蝦、是日海鮮、白鱔、雞子、手打蝦丸、牛肉丸都係任食既，最回味無窮既係食埋所有精華既粥底咁多野任飲任食，真係物超所值！！下前一定會再食過