大瀛喜日本料理 (已結業)

朋友聚餐，最喜歡係去食放題，訂咗旺角大瀛喜日本料理，有過百款美食及精緻的甜品任飲任食，滿足各人口味！去到餐廳已座無虛席，好彩有訂位。入座後用手機程式落單，等候期間去自助區拎嘢食先，有多款熟食、各款飲品和甜品，冷盤有我喜愛嘅凍蝦、青口和蜆，新鮮好鮮甜！刺身無論魚類、貝類都好新鮮，質素都好好！魚脂甘香，蝦和赤貝爽口。吉品鮑汁扣花膠，花膠有軟糯的口感，含豐富骨膠原，以鮑汁扣之，十分惹味！西京燒比目魚，肉質鮮嫩，風味十足！泰式香茅鹽燒鯖魚，氣炸鯖魚的外皮香酥，魚肉香噴噴！黃金醬燒開邊蝦，醬汁惹味，蝦肉彈牙。黃金炒大蝦，大蝦彈牙，蛋黃鹹香惹味！鮮蟹粥足料，粥底綿滑。虎蝦天婦羅，下單即炸，外脆蝦肉爽口。重有多種甜品任食！