靖 (已結業)

廚師發辦真係有一種魔力，令人想食完一次又一次。今個星期六老公一早訂定位，等我可以睡到日上三竿，早餐連埋午餐一次過盡情地吃吃吃。老公今日帶我到靖食廚師發辦，靖位於尖沙咀赫德道，旺中帶靜，無論搭地鐵或西鐵都非常方便。店舖設計以現代和式優雅為主，壽司吧檯約有八個座位，加上數張二人檯，全店加起來也只有二十個座位左右，所以想一睹廚師的風采，就記著要一早打電話訂位。店員安排我們坐在吧檯位，可以見到師傅烹調食物同埋刀功。坐下不久店員便送上熱茶，在用餐途中也不時添加，服務實在太貼心。另外還在一次性的壓縮毛巾上加上水，既衛生又時尚。午餐有好多選擇，我們當然毫不猶豫選擇廚師精選壽司十二貫，價錢非常合理，連鎖店的價錢，就可以食到師傅即席續件續件手握的壽司。而話明廚師發辦，當然食材就由師傅為我們今日挑選最優質、最時令的食材。前菜及沙律前菜為多款經微微醃製的角切魚生，入口口感豐富，味道鮮美。沙律菜色彩豐富，蔬菜新鮮翠綠，入口爽脆，配上微酸的沙律醋，好清新，好開胃。壽司(12貫) – 紋甲魷魚、金目鯛、帆立貝、白蝦、赤甘鯛、深海池魚、鰤魚、吞拿魚醬油漬、拖羅、海膽軍艦、火炙赤鯥魚、火炙拖羅筋師傅握飯的力度剛好，盡