影片
更多
2009-03-13
26 浏览
從來無自己入去陸羽, 因為知佢地會點對待d 生客,以前都係同老細o黎, 因為老細自細同佢老爸來慣,每次都要先放d 10蚊銀落去個伙記件衫下面個大袋,佢地就會好好招呼你! 就算full哂, 佢都想辦法搵到位俾你!你睇佢地兩個大袋又厚又墜就知點解!今次因為有外國朋友o黎, 所以就同佢去外國都聞名o既陸羽茶室飲早荼,d 老伙記見到有外國人, 又講英文, 果然招呼都算ok!茶錢每位廿蚊, d 懷舊點心, 30-35蚊起, 都係十年如一日,老實講, 係唔係好正真係見人見智,明知佢貴, 又想有機會同d富豪明星一齊食野,d 野好唔好食都係其次,見到d 燒味飯要70蚊碗, d 炒粉麵就唔知, 因為係無menu, 只得張好懷舊只有中文o既點心紙, 問伙記有無英文menu, 拿來係一張寫o左一行行好細英文字o既黑白A4影印紙!收人咁多錢, 又招呼遊客, 唔明點解會咁差!六個人, 淨叫o左十二碟點心, 唔飽番下晏去第間再食過!結果埋單九佰六, 一仟蚊免找!如果有外國朋友來, 不妨帶去見識o下,如果自己要食好野,一定唔會去呢間!
以前都係同老細o黎, 因為老細自細同佢老爸來慣,
每次都要先放d 10蚊銀落去個伙記件衫下面個大袋,
佢地就會好好招呼你! 就算full哂, 佢都想辦法搵到位俾你!
你睇佢地兩個大袋又厚又墜就知點解!
今次因為有外國朋友o黎, 所以就同佢去外國都聞名o既陸羽茶室飲早荼,
d 老伙記見到有外國人, 又講英文, 果然招呼都算ok!
茶錢每位廿蚊, d 懷舊點心, 30-35蚊起, 都係十年如一日,
老實講, 係唔係好正真係見人見智,
明知佢貴, 又想有機會同d富豪明星一齊食野,
d 野好唔好食都係其次,
見到d 燒味飯要70蚊碗, d 炒粉麵就唔知, 因為係無menu,
只得張好懷舊只有中文o既點心紙,
問伙記有無英文menu, 拿來係一張寫o左一行行好細英文字o既黑白A4影印紙!
收人咁多錢, 又招呼遊客, 唔明點解會咁差!
六個人, 淨叫o左十二碟點心, 唔飽番下晏去第間再食過!
結果埋單九佰六, 一仟蚊免找!
如果有外國朋友來, 不妨帶去見識o下,
如果自己要食好野,
一定唔會去呢間!
张贴