酒鍋 (天文臺道) (已結業)

經過呢間食店好幾次，環境裝修就無得彈，今次諗住試下午餐，應該都穩陣，一來平，二來容易睇得出係咪求求其其無誠意嘅食店。試過之後，我覺得物有所值有誠意，服務態度又好。午餐揀選咗1)四川麻辣鍋(2)黑豚肉春卷酸辣鍋逐樣睇睇...例湯有啲油膩，份量好細，味道尚可，但應該係加咗味精。竹蔗茅根水普普通通小籠包好熱，無乜肉汁，不過應該無加味精，皮比較厚，我覺得普通。四川麻辣鍋 | 黑豚肉春卷酸辣鍋兩種火鍋配料有牛丸，貢丸，豆卜，春卷，炸魚蛋，豬紅，紅薯粉，響鈴，冬菇等等，火鍋配料相信係從批發商買番嚟，牛丸貢丸都算好味，但無咩特色，食物亦未算新鮮，點解咁講，因為佢嘅豬紅臭咗，唯有同侍應講，佢地都反應好快，仲同我重新上過一鍋新配料兼走豬紅，服務係值得讚嘅。甜品 - 奶凍鮮奶製造，香味濃郁，無得頂。