影片
更多
2016-07-04
2310 浏览
返工lunch，上星期book枱既。今次點左BBQ燒豬肋骨拼薯條。前菜既黑糖包仲係咁軟熟，粟米磨菇湯夠香濃，沙律都係一般。豬肋骨比上次大塊左，大約長左幾條肋骨啦，肉質燒得鬆軟，用湯匙都切得開，肉醃得幾香，個邊有小小燒焦，好香口，雖然無肉汁，加埋個酸酸地既BBQ醬就唔會亁。薯條既薯味好濃郁，外脆內軟，外面有焦香，好味。成碟野睇落好大份，我慢慢食居然都清晒。飲品點左熱檸茶。茶要自已落茶包落杯熱水到泡，茶味無以前咁出，似乎係因為杯水唔夠熱，而之前係水吧沖好茶再上枱。茶包牌子轉左，但係判斷唔到同茶味無咁香有無關係。檸檬比左兩塊，都好新鮮。杯茶味道唔夠之前咁好，不過都算唔錯。加價後再黎試，份量增加左少少，保持到食物質素，物有所值。我地用左買4送1 coupon（每次賣單都會cup印仔），除開每人$93左右。
今次點左BBQ燒豬肋骨拼薯條。前菜既黑糖包仲係咁軟熟，粟米磨菇湯夠香濃，沙律都係一般。
豬肋骨比上次大塊左，大約長左幾條肋骨啦，肉質燒得鬆軟，用湯匙都切得開，肉醃得幾香，個邊有小小燒焦，好香口，雖然無肉汁，加埋個酸酸地既BBQ醬就唔會亁。薯條既薯味好濃郁，外脆內軟，外面有焦香，好味。成碟野睇落好大份，我慢慢食居然都清晒。
飲品點左熱檸茶。茶要自已落茶包落杯熱水到泡，茶味無以前咁出，似乎係因為杯水唔夠熱，而之前係水吧沖好茶再上枱。茶包牌子轉左，但係判斷唔到同茶味無咁香有無關係。檸檬比左兩塊，都好新鮮。杯茶味道唔夠之前咁好，不過都算唔錯。
加價後再黎試，份量增加左少少，保持到食物質素，物有所值。我地用左買4送1 coupon（每次賣單都會cup印仔），除開每人$93左右。
张贴