話口未完，過了一會兒，突然收到老闆的來電，即管照聽，不知找我什麼事？！原來，因為翌日早上佢要送佢家姐入院，然而，維修公司廁所的師傅上星期六尚未完工！他又應承師傅早上 10:00 開門，要我星期日早上 10:00 返上環公司開門給師傅整廁所，要我逗留喺公司直至下午完工為止！
於是，在4月尾的星期日早上返公司 OT，中午前可離開公司，肚子餓了！沿上環禧利街，走到皇后大道中找餐廳食午餐！
經過禧利街，見到有間新食店 <湯品> 即將開業！
供應養生燉湯為主，以雲南野生食材燉湯，6款燉湯 $36~$49！
標榜絕無味精，也是米芝蓮推介！
先選燉湯>主食>配料
由於，回家便喝到媽媽的養生靚湯！
所以，我幫襯意欲不大！
恰巧！我在 6 月尾又經過店子，見到：為慶祝 <湯品小棧> 3周年及 <湯品> 新開業！
「6月內憑單有9折！」當時見到有9折，趁尚有機會，便走去第一次幫襯！
原來所謂「6月內憑單有9折！」應該註明是6月內憑【舊】單有9折嘛！我跟同事也覺得有誤導之嫌！
女店員態度麻麻地，粗聲粗氣！
不知道是否她當日忙到馬不停蹄所致？！ 反而男店員好有禮貌，不知道是否跟我著得性感有關？
男店員的確可挽回服務分呢！
松茸清湯 $46
配料包括：紅蘿蔔絲、粟米、鹹瘦肉、雞、木耳絲、松茸、薑片…等，十分足料，少油味清夠鹹！勝在絕無味精，飲得健康！
黑蒜香菇 $23
紅棗黑蒜香菇燜雞脾雞肉柔軟而入味，卻是雪藏貨色，一咬雞骨容易粉身碎骨！
秘製鹵排骨用上新鮮貨色，食落夠入味，保持應該的質感及豬肉鮮味！
白蘿蔔清甜無渣！
時菜是烚菜芯，食出原汁原味！
配上健康紅米飯，紅米的份量起碼三成，這樣才可增加纖維！既飽肚又健康！
杞子菊花黑糖茶 (跟餐送)
有5朵菊花及一些杞子，入口清涼，清甜帶微甘！既消暑又解渴潤喉的天然飲品！
集合多種食材於一身的健康養生午餐，真材實料！整體營養均衡！我覺得比同區另一間以西湯作主打的 Souprb 更物超所值！
