影片
更多
2019-04-14
99 浏览
其實已經唔係第一次食呢間餐廳，第一次黎係跟公司，都無好好品味所有野。所以咁岩見有朋友生日，就諗到要再試多一次呢一間餐廳。入到黎個環境好正，真係好似係日本食緊高級料理咁樣。而且店員仲會問你想坐吧枱定係普通枱，嗰日想同朋友傾吓計就揀咗坐普通枱。不得不提店員好有禮貌，服務都係用餐體驗嘅一種！有唔同嘅套餐可以揀，瀧就有串燒，朋友叫呢個，雞串好有雞味的，不錯。而好耐冇食日本牛肉嘅我，當然係叫極呢個套餐啦！好食嘅日本和牛香港都唔易搵㗎嘛！咁就試吓相信高級餐廳嘅和牛。落單之後等左一陣，頭盤就來了！！！外貌10分精緻，廚師發板嘅好處就係每次上菜都會好有驚喜，每次都會有好期待嘅感覺，因為你唔知你嚟緊要食嘅係乜嘢！呢個冷盤係由昆布湯做嘅啫喱，下面係從松蟹肉，再加蟹膏係上面！每一啖都係鮮味！用嘅材料好新鮮不特止，所有嘢嘅配搭都好夾！係好新鮮嘅味道！之後上嘅係呢一道，有螢光魷魚，甜番薯，安康魚肝上面有酸酸地既啫喱，同埋鋪有新鮮紫菜嘅山芋。一道菜可以使好多樣唔同嘅食材，平時唔會食到。而且每一樣嘅味道都好新鮮！之後黎左個小柱貝清湯 暖左個胃之後到我最期待嘅刺身！！！呢一日嘅新鮮刺身係拖羅，池魚同埋平政魚。係我最鍾
入到黎個環境好正，真係好似係日本食緊高級料理咁樣。而且店員仲會問你想坐吧枱定係普通枱，嗰日想同朋友傾吓計就揀咗坐普通枱。不得不提店員好有禮貌，服務都係用餐體驗嘅一種！
有唔同嘅套餐可以揀，瀧就有串燒，朋友叫呢個，雞串好有雞味的，不錯。而好耐冇食日本牛肉嘅我，當然係叫極呢個套餐啦！好食嘅日本和牛香港都唔易搵㗎嘛！咁就試吓相信高級餐廳嘅和牛。
落單之後等左一陣，頭盤就來了！！！外貌10分精緻，廚師發板嘅好處就係每次上菜都會好有驚喜，每次都會有好期待嘅感覺，因為你唔知你嚟緊要食嘅係乜嘢！呢個冷盤係由昆布湯做嘅啫喱，下面係從松蟹肉，再加蟹膏係上面！每一啖都係鮮味！用嘅材料好新鮮不特止，所有嘢嘅配搭都好夾！係好新鮮嘅味道！
之後上嘅係呢一道，有螢光魷魚，甜番薯，安康魚肝上面有酸酸地既啫喱，同埋鋪有新鮮紫菜嘅山芋。一道菜可以使好多樣唔同嘅食材，平時唔會食到。而且每一樣嘅味道都好新鮮！之後黎左個小柱貝清湯 暖左個胃
之後到我最期待嘅刺身！！！呢一日嘅新鮮刺身係拖羅，池魚同埋平政魚。係我最鍾意嘅拖羅啊！ ！ ！而且仲要係一肥一瘦，十分之細心！咁而且係極之新鮮啦。真係超正！
之後上咗一連四款嘅天婦羅，有蝦，魚，立魚白子同埋原隻貝，仲有三款唔同嘅鹽可以點，同埋大大兜蘿蔔蓉任食！其中最有驚喜嘅係個立魚白子，上面鋪左京都嘅萬能蔥做嘅汁，而且舊魚係超級滑，有種好濃郁嘅魚味！所有天婦羅都炸得好好，個皮好薄，食材好新鮮！好正呀！！！
呢個魷魚真係正到爆！佢入邊全部都係膏！我成世人真係未見過。而且個汁同過魷魚好夾！呢個真係要比一百分。經理介紹話有膏嘅魷魚唔係成日都有，一年可能得一個月有。而瀧可以搵到呢一種食材，好明顯對食有一份執着😂😂😂😏😏
之後到呢個餐既重點！和牛！佢分別有牛肩肉同埋和牛。一食就感覺都係好高級嘅牛，牛肩肉好香，好有牛味。而後面既和牛就入口即溶！唔使點任何配料已經勁好食！
最後仲有呢兩款甜品，原條嘅生炸番薯，配砂糖同埋日式白蘭地。係前所未有嘅甜品。好正十分！呢個水信玄餅都好食，沖繩黑糖同埋黃豆粉放埋一齊真係冇得輸！勁正嘅一餐，我諗有排我回味。做嘢咁辛苦就係為咗食到咁好嘅食物。人生美滿♥️
张贴
