B-mix 燒肉餐酒館 (已結業)

朋友約食飯，介紹食B-mix，開頭仲諗緊山長水遠入元朗，究竟有咩咁特別，結果食完後超出我預期。地下冇特別招牌，但抬頭一望邊見到B-Mix。沿樓梯上一層就搵到。店員帶位入去，先發現個場其實都好大，冷氣又夠凍。我本身個人怕熱，如果食燒烤，個場唔夠冷氣，我真係寧願唔食。呢個場冷氣好夠，一路食唔會一路出晒汗，抵讚而裝修亦都有特色，影相打卡一流。除咗燒肉外，店內仲有海苔米飯&三文魚子溫泉蛋烏冬，岩哂我兩個小朋友👦🏻👧🏻亞女鍾意食烏冬，亞仔鍾意食飯，佢哋一見啲嘢食到咗，就好快清晒朋友叫咗啲套餐，有豬，有牛，有雞，又有海鮮，乜都有啲，真係好豐富！張枱夠大，又坐得闊落。燒烤時，唔會太近個爐，我都放心俾亞女去自己燒嘢食。最正係有燒菠蘿食完後，大家都好滿足咁離開後記，話說小朋友食完飯，唔小心留低咗電話喺B-mix。店員好好人，幫手保管之餘，仲替電話充電。多謝晒🙏🏻