更多
2015-10-21
447 浏览
今次同朋友係中環行完街, 過黎西環再嚐美味。由於呢次係同女性朋友撐枱腳, 所以都特意揀啲無咁heavy嘅菜式。我地兩個人, 分別叫左啲小食, 同埋兩個套餐, 而每個套餐都要附送一份沙津及餐飲。田園沙津中啲蔬菜都幾爽口, 加埋少少芝麻醬, 更令人開胃 而餐飲就係芒果奶昔, 酸酸甜甜嘅味道, 細滑嘅質感, 不錯不錯!接著就係小食嘅時間, 印度炸春卷, 味道係預料嘅範圍之內, 新鮮炸好嘅春卷, 非常之香脆; 黑松露薄餅又係強烈推介, 黑松露嘅香令到平平無奇嘅烤薄餅, 味道提昇一個層次! 蒜蓉焗蠔又係無得唔試, 有蒜蓉嘅香, 但係又唔會遮蓋蠔嘅鮮味, 真係好考功夫! 而燒肉串燒亦都係非常之味美, 嫩滑嘅雞肉, 配上滋味嘅沙嗲醬, 配搭雖然簡單, 但simple is the best!主菜方面, 我地叫左煙三文魚pizza, 同埋咖哩燉牛肉。煙三文魚雖然味道有少少咸, 但係放係pizza上面做toppings就非常之恰當, 味道仲好過出面啲pizza專門店添。而咖哩燉牛肉亦同埋出色, 味道唔會太辣, 但依然惹味, 牛肉亦燉得好入味 加埋最尾呢個印度雪糕, 有開心果同埋其他果仁嘅味道, 味
而餐飲就係芒果奶昔, 酸酸甜甜嘅味道, 細滑嘅質感, 不錯不錯!
张贴