牡蠣酒場 (已結業)

我同朋友都好鍾意食生蠔，今次放工特別去到呢間主打食日本產生蠔既餐廳試試。我地揀左食岩手同廣島縣既生蠔，肥嘟嘟既生蠔味道鮮甜完全唔腥，入口creamy得來仲有甘甜既餘韻😆😆想食濃味啲既可以沾埋附上既海鮮醬汁，味道會更濃郁惹味。❤️牛舌串燒❤️牛舌肉味都幾重，咬落彈牙又多汁，最重要喺食唔到有渣，啖啖肉好吃。❤️天婦羅明太子❤️超岩用來做送酒小菜，明太子炸到外層脆卜卜，食落咸咸地幾得意。❤️蒜片欖油生蠔意大利麵❤️生蠔總共有五隻，而且質素一啲都唔差，每隻都夠新鮮。意粉用左辣椒同埋欖油去煮，入口濕潤，帶有少少香辣味，呢個配搭都幾好食。❤️日向夏柑橘梳打❤️❤️鮮檸檬冰燒酌梳打❤️日本燒酒加埋檸檬既配搭幾好，有水果香之餘又唔會蓋過酒味，味道好夾好平衡。平日Happy hour時段仲有酒水買一送一優惠，好抵飲呢！