影片
更多
2018-12-03
206 浏览
早排見到香港開左間立食燒肉鋪,作為牛魔王既我,一早已經想來朝聖,仲要店家主打和牛~又點會唔心動呢？HAPPY FRIDAY當然就要捉男朋友仔一齊去,有唔少情侶或者三五知己,鋪頭相當有氣氛.一開始去到鋪頭有點茫然,唔太知道點樣叫野食,原來一入鋪頭左面,係自動售賣機可以買野飲,而枱上面有木板仔,上面夾住左張紙就可以比你落Order.成個Menu將所有牛既部位都列左出來,如果大家唔知食咩好,都可以選擇套餐. 而我地兩個就係百厭星來,咩都想試下,而店家亦都好好,為左比客人試多d,所以單價set得比較低等牛魔王既大家,可以試齊所有既部位.我地本身就預左每人$200左右既Budget來叫,再根據店家既和牛圖鑑,去計劃我地可以食咩野去試盡唔同既部位.建議大家想同我地一樣,一定要叫一個風味和牛定食($98),入面包左：胸腹肉2pcs、肩胛1pc、肉眼A4 1pc,同埋飯同麵豉湯.散叫肉類：而店家既劃分大致有九個部位，而大致上既價錢如下：肩膊($22)、牛舌($15)、牛胸爽($16)、三角肋肉($25)、肉眼($30)、前胸腹($17)、胸腹肉($20)、西冷、後腿肌,我地兩個基本上咩部位都叫齊晒,而
早排見到香港開左間立食燒肉鋪,作為牛魔王既我,一早已經想來朝聖,仲要店家主打和牛~又點會唔心動呢？HAPPY FRIDAY當然就要捉男朋友仔一齊去,有唔少情侶或者三五知己,鋪頭相當有氣氛.
一開始去到鋪頭有點茫然,唔太知道點樣叫野食,原來一入鋪頭左面,係自動售賣機可以買野飲,而枱上面有木板仔,上面夾住左張紙就可以比你落Order.
成個Menu將所有牛既部位都列左出來,如果大家唔知食咩好,都可以選擇套餐.
而我地兩個就係百厭星來,咩都想試下,而店家亦都好好,為左比客人試多d,所以單價set得比較低等牛魔王既大家,可以試齊所有既部位.
我地本身就預左每人$200左右既Budget來叫,再根據店家既和牛圖鑑,去計劃我地可以食咩野去試盡唔同既部位.
建議大家想同我地一樣,一定要叫一個風味和牛定食($98),入面包左：胸腹肉2pcs、肩胛1pc、肉眼A4 1pc,同埋飯同麵豉湯.
散叫肉類：而店家既劃分大致有九個部位，而大致上既價錢如下：肩膊($22)、牛舌($15)、牛胸爽($16)、三角肋肉($25)、肉眼($30)、前胸腹($17)、胸腹肉($20)、西冷、後腿肌,我地兩個基本上咩部位都叫齊晒,而當中我地列左5樣十分十分之推介大家去食.
TOP 1：肉眼($30),和牛本身已經係牛界最頂級既一款牛種,仲要係和牛既肉眼,可以話一燒完一放落口即刻,係即刻溶化！！！！！！！！
NO.2：三角肌肉 ($25),依個部位同肉眼係相當似,但牛味更濃郁、油份更重而價錢就比肉眼平少許,所以想食多D就不妨可以叫依一個位！
NO.3：後腿肌 ($20),後腿肌係甘多款牛之中比較少油脂,但佢既肉味相對甘多個部位之中亦係比較濃,而口感比較軟腍同較有口感,如果用豬肉來做比較會似梅頭肉甘.
NO.4：牛舌($15),鐘意食牛既一定會鐘意食牛舌,因為佢薄脆既口感而帶有濃郁既牛味,係無一類肉類或部位可以作比較.
NO.5：牛胸爽($16)基本上,每隻牛既牛胸爽部份只有好少好少,好罕有好珍貴,而佢既口感帶少少脆口同充滿牛既油香！唔怕肥又想滿口油香既你,一定要試！
散叫蔬菜類：翠玉瓜($10)、菠蘿($10) 、車厘茄($10)、甜薯($18) 、雞皮($15).蔬菜類之中,我最推介就係翠肉瓜同埋菠蘿,翠肉瓜經過烤爐燒完,外表好似睇落好乾甘,但咬落去相當Juicy~而菠蘿係好合適用來燒烤,因為本身菠蘿糖份較多,再經烤爐燒完,表面有少少脆糖同埋菠蘿味會更濃,真係勁好食！
係香港買一款和牛都差唔多依個價錢,而同樣價錢可以試盡甘多個部位,對牛魔王來講，真係大滿足！
张贴
