銘記潮汕牛肉粉麵 (已結業)

牛魔王有福了，油麻地砵蘭街有一間主打潮汕鮮牛嘅粉麵店《銘記潮汕牛肉粉麵》，佢哋唔係一般嘅粉麵店，餐廳提供多款新鮮潮汕牛部位嘅粉面，例如牛腩、牛胸爽、牛黃喉、牛骨髓、吊龍件等等⋯⋯每一款都鮮味十足，可以自由搭配，等你食到多種唔同嘅口感。我今日揀咗雪花牛頸脊河粉餐廳嘅牛骨湯底非常濃郁，充滿咗牛骨嘅鮮香，湯底清而不油，雪花牛頸脊肉質鮮嫩多汁，油脂分布均勻，咬落去好有彈性，每一口都充滿咗牛肉嘅鮮甜。牛頸脊唔會過熟，保留住咗牛肉嘅最佳口感。河粉方面，唔會過軟或者黏連，滑溜爽口，口感好好，吸收咗牛骨湯嘅鮮味另外order咗多一個白蘿蔔，冇渣而且煮得啱啱好，唔會太軟亦唔會太硬，食落清甜得黎白蘿蔔仲吸收咗牛骨湯嘅精華，出色