影片
更多
2021-12-28
54 浏览
星期六放工先生又嚟接放工拍下拖，今次揀咗呢間潮味十足嘅任食火鍋，連店名都充滿玩味。午市任食非常化算，有四個價位，我哋揀嘅「團」，每位二百鬆少少就有安格斯牛同澳洲M5和牛任食，作為食肉獸嘅先生當然無法抗拒。肉類同海鮮係用手機落單，其它食材例如丸類同蔬菜就需要自己出去拎，食材擺放整齊，感覺乾淨衛生，選擇亦非常豐富。另外仲有鹽酥雞同炸魚皮等熟食可以選擇，望落都非常新鮮。飲品方面除咗常見嘅汽水，仲有自家製嘅茶飲，特別係桂花烏龍，非常搶手。湯底方面我哋揀咗藥膳醉雞湯，湯同雞肉係分開上，非常細心，湯底好重酒香，最適合冬天暖身。送上湯底之後侍應為我哋送上非常精緻嘅牛肉拼盤，可以一次過試勻五款優質靚牛，牛肉嘅質素非常好，特別係澳洲M5和牛肩胛同安格斯牛小排，肥瘦適中，入口充滿牛香。另外值得一讚嘅係叫多幾轉之後牛肉嘅質素依然咁好，最怕有啲餐廳食食下食物嘅質素會漸漸下降。海鮮方面質素亦唔錯，特別係越南虎蝦，好大隻，肉質彈牙，非常新鮮。蝦滑同牛滑都係自家手打，零舍彈牙，特別係牛滑，比較少見，入口牛味重，而且又滑又爽口。自助吧嘅火鍋料花多眼亂，最推薦薑汁皮蛋貢丸同辛辣脆牛丸，本身唔係特別鍾意食丸類，但呢度嘅丸
星期六放工先生又嚟接放工拍下拖，今次揀咗呢間潮味十足嘅任食火鍋，連店名都充滿玩味。
午市任食非常化算，有四個價位，我哋揀嘅「團」，每位二百鬆少少就有安格斯牛同澳洲M5和牛任食，作為食肉獸嘅先生當然無法抗拒。
肉類同海鮮係用手機落單，其它食材例如丸類同蔬菜就需要自己出去拎，食材擺放整齊，感覺乾淨衛生，選擇亦非常豐富。
另外仲有鹽酥雞同炸魚皮等熟食可以選擇，望落都非常新鮮。
飲品方面除咗常見嘅汽水，仲有自家製嘅茶飲，特別係桂花烏龍，非常搶手。
湯底方面我哋揀咗藥膳醉雞湯，湯同雞肉係分開上，非常細心，湯底好重酒香，最適合冬天暖身。
送上湯底之後侍應為我哋送上非常精緻嘅牛肉拼盤，可以一次過試勻五款優質靚牛，牛肉嘅質素非常好，特別係澳洲M5和牛肩胛同安格斯牛小排，肥瘦適中，入口充滿牛香。
另外值得一讚嘅係叫多幾轉之後牛肉嘅質素依然咁好，最怕有啲餐廳食食下食物嘅質素會漸漸下降。
海鮮方面質素亦唔錯，特別係越南虎蝦，好大隻，肉質彈牙，非常新鮮。
蝦滑同牛滑都係自家手打，零舍彈牙，特別係牛滑，比較少見，入口牛味重，而且又滑又爽口。
自助吧嘅火鍋料花多眼亂，最推薦薑汁皮蛋貢丸同辛辣脆牛丸，本身唔係特別鍾意食丸類，但呢度嘅丸係會令我想encore，除咗因為質素好之餘仲因為款式特別多，有啲仲唔係度度都有，令人樣樣都想試下。餐廳嘅食物質素唔錯，選擇豐富，而且價錢非常合理，仲有服務亦非常好，侍應好有禮貌，上菜同收碟都好快手，值得推薦！
张贴
