新南苑私房菜 (已結業)

呢晚同朋友仔食火鍋聚一聚！知道【新南苑私房菜】係尖沙咀開左分店，今次專登嚟食佢地嘅牛牛餐呀，有3小時任飲任食喔～先嚟前菜【煙燻豬肝】食住先～呢個牛牛餐可以揀雞煲或鴨血任食，或者酸菜魚一份，我地揀左食佢地嘅【招牌雞煲】，BB辣麻香撲鼻，雞肉好嫩滑，呢part唔敢食得太飽，因為要留肚食牛牛～跟著就係【刺身拼盤】 ，赤蝦、鮑魚、冰鎮魷魚、北寄貝等全部都好新鮮無雪味～急不及待要食火鍋喇～ 火鍋湯頭最緊要，我地揀左【椰子花膠湯底】補充骨膠原，都幾多花膠，真材實料，加左椰子超甜超好味，飲完唔會口喝～到最有份量嘅牛牛出場喇！個人最鍾意食佢地嘅牛頸脊，又香又嫩滑～ 草飼封門柳肉質鬆軟，不易變韌～ 安格斯牛小排和極黑美國和牛都非常重牛味，而且後者油花均勻，睇得出係靚貨～其他配料例如：西班牙豚肉粒、蔬菜盤、響鈴、炸魚片、包心丸、芝士丸、麵類等都係任點任食～飲品可以隨便出去拎，選擇都幾多，推介大家試吓自製水果茶，味道清怡，感覺幾天然～仲有甜品3.6北海道牛乳奶凍都係無限放送~ 賣單每位$398，另有加一服務費，3小時放題時間好鬆動! 而呢個牛牛餐就啱晒一班牛魔王喇～除晚市外，我見到佢地午市嘅「開心餐」$20