天下糧倉牛肉火鍋專門店

营业中

休息中

牛魔王朋友生日，夜晚去咗呢度打边炉庆祝👏 佢哋主打任饮任食火锅，同时亦有鸡煲供应。店内环境唔算好大但座落都几舒服，而且通风系统都唔错，就算坐满人都唔会觉得好焗。汤底多选择得地口味都比较特别，重庆翡翠绿麻辣锅、四川红麻辣锅、喇沙汤、潮汕牛骨汤等，我哋要咗肉骨茶同蕃茄罗宋汤，里面好足料，前者带淡淡药材香气，后者浓稠又挂汁🍅每台都会送上牛拼盘，有齐八款牛品。最钟意当然唔少得和牛同牛板腱，薄切，嫩滑，食完仲可以添加。自助区有多款蔬菜同丸类，食咗好多肠仔、响铃同面，挂满汤底嘅精华，好好味。