No. 5 Lounge (已結業)

今日係觀塘做野，所以午餐都係呢度食。原來呢度有個愛琴坊，係個好大既food court，超多野食啊。今日想食清啲，所以決定食三文治。呢間個形式有啲似美式潛艇堡品牌，揀個包，跟住揀餡料，再揀醬。包有幾款可以揀，我就揀左望落最light既火雞胸肉（$38）。包我就好有興趣試下個提子核桃包(+$5)，餡料我就決定全部要啲，夠曬營養豐富嘛，分別有粟米、橄欖、番茄、紅蘿蔔、紅腰豆、洋蔥、青瓜！醬都有幾款揀既但係我有咁多配料就唔想再落醬喇。飲品可以免費跟汽水，但我見呢度有曬全副架生沖咖啡，無理由唔品嚐一下，就要左杯大杯capaccino（$30），但可惜skimmed milk賣曬。落單之後就自己搵位坐。呢度既座位係同另外兩間餐廳共享既，所以要搵位都要快手啊。我好好彩搵到張圓枱。等左5分鐘左右就有專人送上熱辣辣既包喇，再過多3分鐘連我期待既咖啡都到了，有拉花架！呢度有個自助櫃，可以自己落玉桂粉同可可粉幫咖啡調味，自己加糖之類。仲有咖啡豆做display，好專業咁。飲落咖啡味唔錯啊，但因為我平時飲得幾濃，呢杯就略嫌淡左少少。主角意式餡餅熱辣辣餡料滿瀉啊。番茄爽脆，紅腰豆、橄欖又夠曬粉，口感好豐富啊。