牛陣 (銅鑼灣廣場一期)

营业中

休息中

今日星期日懶得煮，去咗牛陣打邊爐，實行一餐當食三餐。今次食上級牛肉90分鐘放題套餐，$199加一。個餐包兩款肉類任食。兩款肉類分別係上級牛肉同美洲產豚肉。上級牛肉好瘦，切到非常薄。不過味道質感都麻麻，無牛味而且肉質較韌。我唔鍾意。美洲產豚肉都係切到非常薄。不過就好食d，肉嫩而豬味夠濃。湯底免費包鰹魚湯，可以加$5升級其他湯底，另外叫左個藥膳香辣湯。鰹魚清湯就如果將食物淥耐d，都會有鰹魚味既。藥膳香辣湯夠辣，不過唔算太辣，淥菜就覺辣少少。材料見到有紅棗，其實藥材味都唔算太濃。自助吧有以下配料，蔬菜選擇算多，質素可以，有7款丸類同香腸，包括包心貢丸，白魚蛋，蝦味丸，愛心魚板，咖喱丸，脆皮腸，魚豆腐。仲有麵類。蔬菜有洋蔥，南瓜，冬瓜，芋頭，秋葵，番茄，金菇，冬菇，其他菇類，蟲草花，雞脾菇，椰菜花，豆腐，菜苗，羽衣甘藍，生菜，娃娃菜，海帶，雲耳，蓮藕，芽菜，白蘿蔔，萵苣。質素正常。仲有自助調味料。自助吧有以下熟食：關東煮有9格：大根太鹹；海帶結可以。另外仲有福袋，魚蛋等等。咖哩配飯：咖喱牛肉都有唔少牛肉粒，質素係可以架，個汁有d辣！炸蕃薯條同炸薯條都唔係新鮮炸起。迷你鯛魚燒唔多吸引，都無人食。