八月堂 (已結業)

APM新店開張，前排見到人頭湧湧，排晒長龍，今日臨近關門終於少啲人，買咗一個牛角包做宵夜。炙燒明太子味｜$18店員提醒買咗之後要兩小時內食用，如果唔係就要放雪櫃。半夜用焗爐heat返熱熱地咁食，外酥內軟，牛油味香濃，明太子醬有薄薄一層係包底，比想像中少，味道中規中矩，冇乜太大驚喜。 雖然係宵夜，不過食一個係唔夠飽，下次要買多啲，試吓其他味。呢個價錢唔可以話好抵，不過勝在多唔同口味，好吸引令人想試晒。