牛舞日本燒肉‧涮涮鍋放題 (1亞太中心) (已結業)

今日又黎到觀塘牛舞度食飯！點解？就係因為好食囉😌我地食左好多野食🥰特別點名讚下個蝦同雞肉串！🍢🍡燒蝦🦐大隻彈牙唔乾身，京蔥雞肉串🐓好好味，雞肉嫩滑，京蔥味香，兩者味道好夾，我地食左好多串！當然其他食物例如肉類同海鮮都非常好味😋而呢個甲羅燒🦀係必點，每次黎一定必食！蟹膏蟹肉味道濃郁，充滿係大大隻嘅蟹蓋，加埋啲蛋一齊燒同食簡直完美😝金菇牛肉卷🐮同雞中翼🍗都令人十分滿意！金菇牛肉牛肉薄切煙韌，包埋啲金菇一齊食好爽甜！而雞翼用燒汁醃好，燒起上黎外脆內軟☺️重頭戲黎啦！先講下黎盤大大盤既日本薩摩和牛拼🐄，全部都係滿滿既和牛，有牛肋肉，和牛粒，牛薄切，牛赤肉，牛肋條同簿切牛舌，全部入口都充滿濃濃牛脂香，真係不得了💯而呢個牛舞慶生盛簡直嚇你一跳，牛肉多到不得了，而且非常好食！大家食之餘一定要記得同佢打卡！📸