一杯屋 (已結業)

係銅鑼灣返工之時成日都去呢棟大廈食飯，但就係未食過呢間。估唔到香港都有omakase串燒,真係好多好多好多嘢食呀!多到我都唔係好記得啦，前菜同沙拉。最好味嘅就但係是牛舌啦～好多地方都係好靱同埋如果切得太厚會好難食。而呢到就剛好調味都只係用鹽，所以非常好味。其他仲有串燒雞肉大葱，燒海饅、燒秋葵。熱食係有清酒煮蜆，好清新嘅感覺，我想都食得出好甜同好新鮮。呢個燒明太子醬帶子超級鬆軟，好似係半生熟嘅感覺，入口即溶。呢個結尾嘅湯面有啲特別，佢見面係粉紅色嘅，店員話係櫻花味嘅面，但係我感覺上好似食到梅子既味道，但又有少少紫蘇嘅味道，媽我好亂。不過幾鍾意佢個湯底，作為最後一道菜非常適合。甜品仲有雪糕食添當日兩種口味係榛子同桃。