影片
更多
2010-08-10
22 浏览
8-8-2010本來想去 17 樓食 pasta, 點知佢星期日 lunch 無開 , 結果嚟到 8 樓食燒牛舌. 2 人叫了一份「燒牛舌芯」定食 ($128) 及一份「燒牛舌」定食 ($98), 跟沙律, 飯, 山芋蓉, 牛尾湯及飲品; 另加一份冷豆腐 (唔記得加 $20 定 $10):-沙律以車厘茄及切到勁幼細的生菜為主, 醋汁份量不少, 食落有點 "coleslaw" feel, 酸香開胃, 幾好的開始.一齊 serve 的兩份牛舌睇落一模一樣, 食落亦無乜分別, 都唔知邊份先係「牛舌芯」 兩碟的都食了, 燒得乾身唔油膩, 但咬落肉汁不少, 爽口鹹香, 正 白飯黏韌飽滿, 仲混了唔少麥粒 (?), 正 , 加點攪勻了的山芋蓉及鵪鶉蛋 (亦當然要落埋豉油及 wasabi 啦) 同吃, 食落多一份冰涼, 滑潺潺及飽滯 , 但感覺更「消熱氣」, 幾喜歡 -- 不過山芋蓉始終同納豆一樣, 滑潺潺又黐笠笠, 唔係個個啱食, 朋友就係一例. 冷豆腐夠晒滑亦夠豆味, 不過面頭的木魚絲無味的? 整體味道我覺得清得滯, 還是較喜歡「胡麻醬」版的.牛尾湯賣相勁清, 面頭鋪滿大蔥, 飲落黑胡椒
本來想去 17 樓食 pasta, 點知佢星期日 lunch 無開 , 結果嚟到 8 樓食燒牛舌. 2 人叫了一份「燒牛舌芯」定食 ($128) 及一份「燒牛舌」定食 ($98), 跟沙律, 飯, 山芋蓉, 牛尾湯及飲品; 另加一份冷豆腐 (唔記得加 $20 定 $10):-
沙律以車厘茄及切到勁幼細的生菜為主, 醋汁份量不少, 食落有點 "coleslaw" feel, 酸香開胃, 幾好的開始.
一齊 serve 的兩份牛舌睇落一模一樣, 食落亦無乜分別, 都唔知邊份先係「牛舌芯」 兩碟的都食了, 燒得乾身唔油膩, 但咬落肉汁不少, 爽口鹹香, 正
白飯黏韌飽滿, 仲混了唔少麥粒 (?), 正 , 加點攪勻了的山芋蓉及鵪鶉蛋 (亦當然要落埋豉油及 wasabi 啦) 同吃, 食落多一份冰涼, 滑潺潺及飽滯 , 但感覺更「消熱氣」, 幾喜歡 -- 不過山芋蓉始終同納豆一樣, 滑潺潺又黐笠笠, 唔係個個啱食, 朋友就係一例.
冷豆腐夠晒滑亦夠豆味, 不過面頭的木魚絲無味的? 整體味道我覺得清得滯, 還是較喜歡「胡麻醬」版的.
牛尾湯賣相勁清, 面頭鋪滿大蔥, 飲落黑胡椒味好重亦幾刺喉, 麻麻哋喜歡; 反而碎濕濕的「牛尾」湯渣十分香軟, 又幾好食.
食物不錯, 服務亦好, 環境其實亦 ok, 不過是日其中一個冷氣壞咗 , 我哋又坐了炭爐 open kitchen 旁的 bar 檯, 離開時搞到成把頭髮都係炭燒味, 都咪話唔黑仔.
每人約 $135 埋單, 值得一試的.
张贴
