潮樂園 (和富道)

营业中

休息中

側聞和富道開了一家有手打魚蛋的粉麵店，這天經過便去找找。 位置就在以前的阿鴻小吃。 新裝修，冇乜人。一心來吃魚蛋，但一坐低又見到有牛腩，仲話鎮店，於是來一個雙併⋯⋯ 結果，魚蛋的確不錯，彈牙又唔腥，但一碗雙併只有兩粒魚蛋，會唔會少咗啲呢，反而好多牛腩，可惜全部賣淨蔗貨式，又瘦又鞋，食樹幹一樣，真係錯，係我叫錯，應該只要魚蛋。 店裡有幾種牛腩提供，如爽腩、崩沙、坑腩，可能我吃是最普通的，不過已冇信心再試其他。另外，此店用的碗是那種高身，不規則長身碗，點解要用呢啲新派碗呢？感覺好難夾。 湯底是不錯的，沒有味精，唔叫牛腩係冇事，仲要＄42一碗。