洪記麵家 (MOSTown新港城中心(5期))

营业中

休息中

餐廳外賣速好快，平均5-10分鐘內外賣便交到客人手上👍🏻👍🏻👍🏻已經食過洪記好多次🤭但多數都係選擇外賣🥡拎返屋企食，因為舖内地方有啲淺窄，舒適度無咁高。今次叫咗一碗兩餸 (牛腩、牛肚)河粉，牛腩肥瘦均衡，口感軟淋，唔會太靭搞到痴牙🤭🤭😝洪記嘅牛腩湯底係偏淡味，唔會俾人感覺係重味精同鹹。餐廳嘅河粉亦值得提一提，河粉下湯後，口感順滑，唔會迅速發脹，令人有滯肚感覺。另外，不得不說就係洪記自家辣椒油😍😍😍每次每食一口牛腩一口牛肚，都會將佢地點盡呢個辣椒油😍😍辣椒油香而不麻，就算加半茶匙都唔會太辣，但增加咗牛腩牛肚的味道層次😍