老虎岩餐室 (已結業)

- 牛饕河粉有牛腩、牛三寶、牛丸～牛腩好嫩好好味👍有三塊，其中一塊連埋少少肥膏，好香👅牛丸又係好好食！一咬落去有牛油咇出黎👅牛三寶包括牛筋、牛肚、牛肺（？）牛筋煮到好似啫哩咁～牛肚都好嫩，平時成日食到啲好難咬嘅牛肚，呢到嘅牛肚輕輕一咬就咬得開，但又唔會失去口感👍牛肺都食得出幾新鮮不過湯底比較淡，如果加多啲腩汁會更好食-沙茶安格斯牛肉麵牛肉好大塊，不過有少少鞋，同埋沙茶醬太香濃，蓋過咗牛味…跟餐仲有牛油多士，烘得好脆，雖然有啲薄身，但都好食呀，牛油都比得足-跟餐凍奶茶只係叫咗普通凍奶茶，唔係叫樽裝嗰隻，但都已經好好飲👍茶奶比例唔錯，兩者香味都足夠-炸燒賣個皮好薄好脆👍不過個餡就好似冇咩特別，除非遇到嗰粒入面包咗一舊仔肥豬肉就會香口啲，同埋最後一啖唔知點解會有鯪魚肉味-蒸芫荽燒賣芫荽味都幾濃下😹兩款燒賣嘅豉油都比得好少，如果再多啲就好。同埋燒賣價錢有啲貴🙊反而飯呀麵呀定價就合理～