九爺牛腩 (佐敦道)

营业中

休息中

牛魔王河粉大大碗先賣60蚊，入面有牛腩，牛筋，牛肚，牛腸同牛膀。份量認真唔細。驚喜嘅係牛腩數量都唔少而且仲好腍唔會好韌。對牛情有獨鍾嘅朋友可以試下。另外，崩沙腩魚面都好吸引。呢個嘅魚面係一大特色，會有淡淡嘅魚香味，重點係好彈牙，有種食緊魚蛋嘅感覺，好值得試下。崩牙腩外面爽口，腩肉又夠腍又有牛味，所以都好唔錯。炸雲吞外脆內熱，點埋啲甜酸醬，香口又開胃。炸墨魚丸返而覺得唔夠脆，但內裡就軟腍，口感還可以，配埋甜酸醬嘅味道都好夾。配埋紅豆冰真係不得了，比較少麵檔都有紅豆冰，而且仲要幾好飲！麵檔來講又抵食水準又唔差！